Təkamülçülərə cavab

Ara-Keçid Forma İddialarına Cavab -I- Hissə

Ara-Keçid Forma İddialarına Cavab -II- Hissə

Ara-Keçid Forma İddialarına Cavab -IV- Hissə

1. DRİOPİTEK (Dryopithecus)

Driopiteklərə aid ilk nümunə 1856-cı ildə Fransanın Sen-Qodens bölgəsindən tapılıb. Daha sonra Macarıstan, İspaniya və Çin kimi dünyanın müxtəlif bölgələrindən Driopitek fosilləri çıxarılmışdır. Tapıldığı təbəqələr Miosen dövrünə, bundan 12-9 milyon il öncəsinə aiddir¹. Fransada tapılmış və driopitek növünə aid olduğu deyilən bazu sümüyündən sonra² dünyanın müxtəlif bölgələrindən driopitek kəllə sümüyü³ və çənə sümüyü⁴ də tapıldı. Maraqlısı budur ki, sözügedən sümük qalıqlarından başqa bədənin qalan hissələrinə aid heç bir qalıq tapılıb çıxarılmayıb. Lakin təkamülçülər bunlarla kifayətlənməyib, canlının bütöv rekonstruksiyasını hazırlamaqdan tutmuş insanabənzər varlıqlara başlanğıc vermiş olduğu kimi spekulyasiyalara girişmişlər. Fosil nümunələrinə əsaslanan alimlərə, məsələn, Devid Pilbim və Elvin Simons kimi paleontoloqlara əsasən, driopiteklər “meymunluğa məhkum” idilər⁵.

Bioloqların fikrincə, təkamül prosesində gözün əmələ gəlməsindəki ilk addım bəzi ibtidai canlılarda dəri üzərində işığa həssas kiçik bir hissənin meydana gəlməsi ilə başlamışdır. Ancaq təbii seçmədə bu qədər kiçik inkişafın təkbaşına canlıya verdiyi üstünlük nə ola bilər?

~Prof. Cəmal Yıldırım

Həyata açılan pəncərə- göz müxtəlif canlılarda fərqli quruluş və xüsusiyyətlərdə yaradılmışdır. Olduqca kompleks quruluşa sahib olan göz hər zaman təkamül fərziyyəsinin başlıca “paradoks”u olmuşdur. Məhz buna görə də, darvinistlər gözün təkamülü ilə bağlı ən ağlasığmaz, elmi düşüncədən ən uzaq iddiaları belə dilə gətirməkdən çəkinmirlər. Fərqli canlılardakı göz quruluşlarının hər bir canlının ehtiyacına uyğun yaradılması nəzəriyyəni tamamilə yerləbir edir.

Bir sıra alimlərin HIV virusunun şimpanzelərdən insanlara at milçəkləri yoluyla yoluxa biləcəyi yönündə iddiaları vardır. Bu iddia bəzi qaynaqlarda: “At milçəkləri şimpanzelərdən aldıqları SIV virusunu insanlara daşıdılar. Bu virus da sonradan təkamül keçirərək insan versiyası olan HIV şəklini aldı”,- deyə səsləndirilir.

Hərçənd ki, bu məlumatın mənbələri olan “New Scientist” jurnalı və “BBC” kimi xəbər agentliklərində bu cür bir təkamüldən bəhs edilmir, sadəcə olaraq, HIV virusunun şimpanzelərdə mövcud olan SIV virusuna aid variant olduğu bildirilir. Lakin qatı təkamülçülər hər fürsətdə təkamül təbliğatı aparmaq missiyasını tələbi olaraq, hər yeni xəbəri “təkamül” sözüylə “bəzəməyi” unutmurlar… 

Təkamül fərziyyəsinin digər iddiaları kimi “itlərin təkamülü” iddiası da spekulyasiyalar, önmühakiməli şərhlərdən ibarət ssenaridir. Mənbələrə  nəzər saldıqda, bu vəziyyət, əyani olaraq, özünü büruzə verir. KİV-lərdə “itlərin təkamülü” ssenarisinə elmi don geydirmək üçün həqiqətlər 2 yolla təhrif olunur:

1. Variasiyalar mikrotəkamülə dəlil kimi göstərilir. Variasiyalar haqqında ətraflı məlumat əldə etmək üçün bu linkə müraciət edin.

2. Nəsli kəsilmiş bəzi dördayaqlı məməlilər bu yöndə dəlil təşkil etməsə belə,  itlərin əcdadı olaraq göstərilir.

“MİTOXONDRİAL HƏVVA” İDDİASI NƏDİR?

Dövrümüzdə  populyar elmi terminlərdən təkamülə dırnaqarası elmi don  geydirmək üçün tez-tez istifadə olunur. Bu yöndən, DNT də təkamülçülər üçün bir alətə çevrilmişdir.

DNT nüvədə olması ilə yanaşı, həm də enerji istehsal mərkəzləri olan mitoxondrilərdə də mövcuddur. Nüvədəki DNT ana ilə atadan gələn DNT-lərin birləşməsi nəticəsində meydana gəlirsə, mitoxondridəki DNT-nin qaynağı yalnız anadır. Bu bucaqdan yanaşdıqda, sizin mitoxondrial DNT-niz ananızınki ilə eyni, ananızınkı da nənənizin mitoxondrial  DNT-si ilə eynidir. Bu üsulu izləyərək kökümüz araşdırıla bilər.

“National Geographic” Azərbaycan jurnalının “daş dövrü pəhrizi” iddialarına cavab

“National Geographic” Azərbaycan jurnalının daraqlı canlıların təkamülü iddiasına cavab

Edisonun 1879-cu ildə lampanı kəşf etməsindən milyonlarla il öncə “təbii işıq” və ya “soyuq işıq” istehsalını məharətlə həyata keçirən canlılar yer üzündə yaşamaqda idi. Bizə ən yaxın olan işıldaquşlardan dənizin minlərlə metr dərinliyində yaşayan tərkidünya canlılara qədər çox müxtəlif növlərdə bu olduqca mürəkkəb və heyrətamiz proses- biolüminessensiya həyata keçir.

Bir müddət əvvəl məşhur elmi jurnallarda və “Washington Posts” kimi qəzetlərdə yayımlanan bir məqalədə dənizlərin dərinliklərində yaşayan kükürd bakteriyalarının 2,3 milyard ildir ki heç bir dəyişiklik keçirmədən bu günə qədər gəldiyi xəbər verilirdi.

Bu məqalələrin bəziləri heyrət, bəziləri də çarəsizlik göstəricisi kimi görünən “Bioloqlar 2,3 milyard ildir təkamül etməmiş dərin dəniz kükürd bakteriyası tapdılar”, “2 milyard ildir dəyişmədən təkamül tapmacası yaradan bakteriyalar”, “Darvini gülümsədəcək 2 milyard illik sirli canlı” şəklində başlıqlarla yayımlandı.

Keçdiyimiz günlərdə bəzi media yayımlarında 170 milyon illik bir fosil tapıldığına dair xəbərlər yer aldı. Mövzunu diqqət çəkici edən xüsusiyyət milyon illər əvvələ aid bir canlının qalıqları olması deyildi. Xəbərlərdə fosilin bir sürünən-balıq (kələz-balıq) növünə aid olduğu iddia edilirdi və ixtiozavr (Ichthyosaurus) adı verilən bu canlının sürünənlər ilə balıqlar arasında keçid forma olduğu təbliğatı aparılırdı.

Bu məqaləmizdə göstərilən iddiaların yanlışlığını elmi dəlilləri ələ alaraq, özünəməxsus, bənzərsiz fiziki xüsusiyyətlərilə diqqəti çəkən bu canlının təkamülçülərin iddia ettikləri tərzdə bir keçid növ olmadığını izah edəcəyik.

Riçard Dokinz müasir dünyanın ən tanınmış təkamülçü bioloqlarından biridir. Oksford Universitetində zoologiya professoru olan Dokinzi məşhur edən amil isə, zoologiya sahəsindəki araşdırmaları deyil, darvinizmi və ateizmi müdafiəsində göstərdiyi inadkarlığıdır.

Dokinzin 1986-cı ildə “The Blind Watchmaker” adlı bir kitabı yayımlandı. “Kor Saatsaz” mənasını verən bu başlıq altında Dokinz oxucularını canlılardakı kompleks xüsusiyyətlərin, əslində, şüursuz təbii seçmə mexanizminin bir məhsulu olduğuna inandırmağa çalışır. Bu cəhd çox zaman spekulyasiyalara, xətalı təşbehlərə və yanlış hesablara əsaslanır və bu da indiyə qədər müxtəlif alimlər və yazıçılar tərəfindən ətraflı şəkildə tənqid edilmişdir¹.

Daraqlılar (Ctenophora) təxminən 35 tipə ayrılmış heyvanlar aləminin bir tipini təşkil edir. Kembridən öncəki dövrdə- Prekembridə yaşamış ən qədim 3 tipdən biri sayılan daraqlılar bu adı 8 simmetrik sırada düzülmüş daraqşəkilli tükcüklərə sahib olduqlarına görə almışdır. Meduzalara bənzər görünüşə sahib sözügedən canlılar bu tükcüklər vasitəsilə suda irəliləyirlər. Daraqlıların beyinləri belə olmamasına baxmayaraq, okeanların zülmət qaranlıqlarında ecazkar işıq şouları yaratmağı bacarırlar¹. İrəliləyən abzaslarda bəhs edəcəyimiz daha kompleks xüsusiyyətlərə malik bu yumşaq varlıqlar, görünür ki, təkamülçüləri çox narahat edən problem halına gəlmişdir. Belə ki, illərdir daraqlıların mənşəyini araşdıran təkamülçü zooloqlar heç bir həqiqi nəticəyə gəlib çıxmamış, nəhayət, ümidlərini uydurma hekayələrə bağlamışlar. Bu hekayələrin qısa bir xülasəsi də bir müddət öncə “National Geographic” Azərbaycan jurnalında yayımlandı.